GEGURITAN

Geguritan yaiku puisi jawa gagrag anyar kang ora kaiket dening paugerahan tertamtu. Bebas jumlah larik larik ukara ing saben pada, jumlahe pada, pilihan basa kang digunakake, maksude panggurit ana kang nggunakake purwakanthi kadhang ora migunakake purwakhanti. Geguritan kang migunakake purwakanthi yen dirunngokake luwih kepenak(luwih nges). Supaya luwih cetha wacanen paugerane geguritan.

Paugerane geguritan:

1. Ora kaiket wewaton guru gatra, guru wilangan, lan guru lagu.

2. Luwih ngutamakake babagan isine kang mentes, apik, endah, lan uga becik.

3. Kanggo nambah kaendahan basa nggunakake purwakanthi sawetra bae.

4. Isi pitutur, piweling, kritik, protes, sindiran, pangresah, pamundhut, lan sapanunggalane.

 

Langkah Langkah kanggo mahami sawijining geguritan:

1. Wacanen geguritan kanthi permati, yen perlu dibolan baleni.

2. Gatekna hubungan larik ukara, banjur wewehana tandha kanggo munggel (jeda), upamane punggel sauntara wewehana tandha (/) lan kanggo sigeg wewehana tanda (//).

3. Golekna teges tembung tembung kang kok anggep angel, kanthi terus dieling eling, menawa tembung tembung sajarone geguritan bisa duwe teges lugu, entar, bisa uga lambang utawa gegambaran.

4. Perlu digatekaku menawa saben karangan mesthi duwe pesen utawa amanat kang kepingin disampekake marang pamaca.

5. Tambahana tembung utawa wanda saengga ukarane dadi sedherhana lan gampang dimangerteni.

Sawijining geguritan duwe struktur batin utawa hakekat sing dumadi saka: tema, suasana, nada lan amanat, kang mujudake jiwaning geguritan kang ora bisa dipisahake.

 

tuladaha : 

Raden Ajeng Kartini

Nalika Iku, wanita den watesi.

Ora kena iki, ora kena iku.

denwatesi anggone lumaku.

bebasan kinunjara, tanpa tumindak dosa

Samubarang solahe diatur.

Kanthi pawadan drajat luwih asor, kudu manut mring sakabehing dawuh.

Ora kena sulaya, apa maneh dhuwa.

Nganti tumeka titiwanci

Jumedhule sawijining putri

Nggawa owah-owahan kang pinuji

ngangkat drajate wanita nganti bisa padha

ora beda kaya drajating priya

raden ajeng Kartini asmamu arum ngganda wangi

kanthi tulusing ati

kula ngaturaken matur nuwun ingkang tanpa upami.

Dari Geguritan berjudul Raden Ajeng Kartini tersebut dikirim oleh saudara Nurgud pada tanggal 21 Arpil 2015 pada pukul 18.00 WIB kemudian saya posting pada jam ini (jam 19.00 WIB).